Elsııar Qanaǵatov: Bul júldeniń basy ǵana...

SAPPORO. QazAqparat - Búgin Sapporo qalasynda Sport jáne dene shynyqtyrý isteri komıtetiniń tóraǵasy Elsııar Qanaǵatovpen QazAqparat tilshisine VІІІ qysqy Azııa oıyndary jaıynda óz pikirimen bólisti.

«Jarystyń kórigi endi qyzady. Mine, búgin qorjynymyzǵa alǵashqy medal tústi. Aldaǵy kúnderi budan joǵary jetistikter kútip tur dep oılaımyz. Jalpy, sportshylarymyzdyń daıyndyǵy jaman emes. Elge medalsyz qaıtpaımyz dep sóz bergen edik. Búgin sonyń alǵashqysyna qol jetkizdik. Áli qanshama kúnder bar. Bul júldeniń basy ǵana», - dep atap ótti Sport komıtetiniń tóraǵasy Elsıar Qanaǵatov.

Sonymen qatar Komıtet Sapporoǵa negizinen jas sportshylardy negizge alyp kelgenin de aıtyp ótti.

«Bizdiń kóptegen myqty sportshylarymyz álem chempıonatyna joldama beretin álem kýboktaryna qatysyp jatyr. Sapporoǵa negizinen jas sportshylar keldi. Qazir sportshylarymyzdyń daıyndyǵy óte jaqsy.  Jastarymyzdyń ishinde de myqtylarymyz bar. Sondyqtan aldaǵy ýaqytta qorjynymyzǵa áli talaı medaldar túsedi degen úmittemiz», - dep atap ótti ol.

Esterińizge sala keteıik, búgin shańǵydan áıelder arasynda klassıkalyq stıldegi sprınttik jarystan Elena Kolomına qazaqstandyq sportshylardan alǵashqy bolyp kúmis júldeni jeńip aldy.