Elshilik Izraıldegi Qazaqstan azamattaryna úndeý jasady
09:44, 08 Qazan 2023
<p>Qazaqstannyń Tel-Avıvtegi Elshiligi 7-qazan kúni Qazaqstan azamattaryna Izraılde qalyptasqan jaǵdaıǵa baılanysty úndeý jasady, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.</p>
«Qaýipsizdik salasy boıynsha jaǵdaıdyń shıelenisýine baılanysty Qazaqstannyń Izraıldegi Elshiligi Qazaqstan azamattaryna (naqtyraq aıtqanda eldiń ońtústigindegilerge) tyldaǵy Basshylyqtyń buıyryǵyn oryndap, qaýipsiz jerge turaqtap, ol jerden resmı bılik ókilderiniń habarlaýynsyz eshqaıda shyqpaýǵa keńes beredi»,-delingen habarlamada.
Qazaqstannyń shuǵyl habar úshin qajet Tel-Avıvtegi Elshiliginiń telefon nómirleri:
+972 (3) 741 78 05 (kezekshi),
+972 55 273 38 13 (uıaly telefon, whatsapp),
+7 700 111 31 96 (whatsapp).
Osyǵan deıin «Hamas» sodyrlary Izraılge zymyranmen shabýyl jasap, 20-dan astam adam mert bolǵanyn jazdyq.
Qazaqstannyń Air Astana áýe kompanııasy Tel-Avıv reısterine bılet satýdy ýaqytsha toqtatty.