Elshilik Kıevtegi Jambyl Jabaev eskertkishi aýmaǵynda senbilik uıymdastyrdy
10:51, 02 Shilde 2017
ASTANA. QazAqparat - «Týǵan jer» jobasyn júzege asyrý aıasynda 2017 jyldyń 1 shildesi kúni Kıevte Qazaqstan Respýblıkasynyń Ýkraınadaǵy elshiligi qalanyń tarıhı ortalyǵy «Nıvkı» saıabaǵynda ornalasqan Jambyl Jabaev eskertkishiniń aýmaǵyn tazartý úshin senbilik uıymdastyrdy.
Bul jaıly QR Syrtqy ister mınıstrligi Feısbýktegi paraqshasynda habarlaıdy. Senbilikke Ýkraınadaǵy qazaq dıasporasy ókilderi men osy elde bilim alyp jatqan qazaqstandyq stýdentter de qatysty. Senbilik aıaqtalǵannan keıin, beıresmı kezdesý aıasynda Qazaqstan Prezıdenti N.Á.Nazarbaevtyń aldaǵy ýaqyttaǵy qazaqstandyq qoǵamdy jańǵyrtý baǵytyndaǵy bastamalary boıynsha pikir almasýlar boldy.
Qazaqstannyń dıplomatııalyq ókildiginiń basshysy S.Ordabaev ósip kele jatqan kelesi býyn ókilderi úshin Qazaqstannyń uly qaıratkerleriniń esimi, qazaq halqynyń salt-dástúri men tarıhyn umytpaýdyń qanshalyqty mańyzdy ekendigin aıtyp ótti. Bul bizdiń memleketimizdiń odan ári qýatty etedi, birligin jáne álemdegi básekege qabilettiligin arttyrady.