Elshilerdi departamenttegi qyzmetke shaqyrsań, mensinbeıdi - QR Prezıdenti

ASTANA. QazAqparat - «Mınıstrlikte áskerı tártip bolýy kerek». Bul týraly Elbasy Nursultan Nazarbaev elimizdiń Syrtqy ister mınıstrliginiń basshylyq quramymen kezdesý kezinde málim etti.

«Basqy kezderde kadr jetkiliksiz boldy. Qazir, Qudaıǵa shúkir, ósip kele jatyr (jas mamandar - red.). Myqty kadrlarymyz bolýy kerek. Syrtqy ister mınıstrligi óz kadrlarynyń qalyptasýyn aıaqtap kele jatyr dep sanaımyn.

Bizdiń qazir shetelde júrgen elshilerimiz mınıstrlikke kelip biraz jyl departamentte jumys iste dese, ony mensinbeıdi. Keshe Keńes odaǵynda qazaqtan bir mınıstr de bolǵan joq. Sondyqtan ondaı bolmaıdy. Qaı jerde iste deımiz, sol jerde istesin. Іstemese basqa jaǵyna bara bersin. Sondyqtan tártip bolýy kerek. Mınıstrlikte áskerıler sekildi tártip bolady. Sony esten shyǵarmańdar. Mınıstrden, onyń orynbasary, osy otyrǵan apparattyń adamdarynan bastap úlken jaýapkershilikteriń bar. Soǵan saı bolyńyzdar dep tilek bildiremin», - dedi QR Prezıdenti.