Elordanyń Jumyspen qamtý ortalyǵynan qandaı qyzmetterdi onlaın alýǵa bolady

NUR-SULTAN. QazAqparat - Elordanyń Jumyspen qamtý ortalyǵynyń birqatar qyzmet túrin onlaın alýǵa bolady. Bul jaıynda Nur-Sultan qalasy ákiminiń orynbasary Malıka Bekturova Telegram paraqshasynda jazdy, dep habarlaıdy QazAqparat tilshisi.

«Endi qala ákimdiginiń elektrondyq qyzmetter portalynda https://ns.gov.kz/ kelesi qyzmetter qol jetimdi boldy: sanatorlyq-kýrorttyq emdelýge muqtajdyǵy týraly qorytyndy berý; memlekettik ataýly áleýmettik kómek taǵaıyndaý; úıde kútim jasaý jaǵdaıynda arnaýly áleýmettik qyzmetter kórsetý úshin qujattardy rásimdeý; medıtsınalyq-áleýmettik mekemelerde arnaýly áleýmettik qyzmet kórsetýge qujattardy resimdeý; múgedekterge protezdik-ortopedııalyq kómek kórsetý úshin qujattardy rásimdeý; múgedekterdi kreslo-arbalarymen qamtamasyz etý», - dedi qala ákiminiń orynbasary.

Onyń atap ótýinshe, onlaın platformaǵa kóshý qaǵaz qujat aınalymyn qysqartady jáne qazirgi jaǵdaıda adamnyń adammen baılanysyn azaıtady.

Nur-sultan qalasynyń ákimdiginde barlyǵy 160 qyzmet túrine jaýap alýǵa bolady. Olardyń 83 paıyzy avtomattandyrylǵan.