Elordanyń Shubar shaǵynaýdanyna 2023 jyly gaz tartyla bastaıdy
«Saryarqa jáne Almaty aýdandarynda úılerdi gazǵa qosý múmkindigi tolyq qamtamasyz etilgen. ıAǵnı 10 turǵyn alaby men 4 shaǵynaýdanǵa (Aqbıdaı, Qazaqaýyl, Nur-Besik, sondaı-aq Potanın kóshesi aýdanyndaǵy shaǵynaýdan) osyndaı múmkindik jasaldy. Osy maqsatta qalada 680 shaqyrymnan astam gaz taratý jelisi salyndy, kvartalishilik jeliler tartyldy. Atalmysh aýdandarda 6,5 myńǵa jýyq turǵyn óz úılerin gazǵa qosty. Bul 60% astam.
Al Baıqońyr jáne Esil aýdandarynda gaz qubyryn salý jumysy (2023 jyly kvartalishilik jeliler) júrip jatyr. Bıyl aýdandyq Turan, Telman qazandyqtaryna, sol sııaqty Ilınka (Úrker), Óndiris, Telman, Prıgorodnyı eldi mekenderine jáne «Family Village» jáne «Garden Village» shaǵynaýdandaryna gaz jetkizý jelileriniń qurylysy bastaldy», - delingen ákimdik habarlamasynda.
Al Shubar shaǵynaýdanyna gaz 2023 jyldan bastap tartylady. Bıylǵy jyl sońyna deıin saraptamanyń oń qorytyndysyn alý josparlanyp otyr. Qazirgi ýaqytta jobalaý-izdestirý jumystary júrgizilýde. Shaǵynaýdanda qurylys-montajdaý jumystary kelesi jyly bastalady.
Aıta keteıik, turǵyndardy gaz tartýǵa yntalandyrý jáne olarǵa kómek kórsetý úshin birqatar áleýmettik shara qabyldanǵan bolatyn. Atap aıtqanda, úılerdi gazǵa qosýǵa arnalǵan qujattar tizimi eki ese azaıtyldy, muqtaj jandarǵa bólinetin soma 2 eseden asa ulǵaıtyldy (430 myńǵa deıin), tegin negizde gazdy esepke alý aspaptary (eseptegishter) beriledi, gazdandyrý úshin bankter arqyly bólip tóleý jáne paıyzsyz nesıeleý bar.
Búginde qalada JEO-1 jáne JEO-2-de sý jylytý qazandyqtary tolyqtaı gazǵa aýystyryldy. Sondaı-aq áleýmettik nysandardy gazǵa qosý jumysy júrgizilip jatyr. 20 áleýmettik nysannyń (Almaty jáne Saryarqa aýdany) 13-i gazǵa aýystyryldy, qalǵan 7 nysan boıynsha iske qosý-jóndeý jumystary atqarylýda. Buryn olar avtonomdy jylý kózderi arqyly jylytylyp keldi, kómir nemese dızel otyny arqyly jylytý birneshe ese qymbat. Osy obektilerdi gazǵa aýystyrý esebinen jalpy únemdeý jylyna 1 mlrd teńgeden asady.
Foto: gov.kz