Elordanyń Saryarqa aýdanynda qansha abonent gazǵa qosylady
«Elordany gazdandyrý aıasynda Saryarqa aýdany boıynsha 7 000-nan astam abonentti gazǵa qosý josparlanýda. Búgingi kúni Saryarqa aýdanynda 900-ge jýyq úı gazǵa qosyldy, 2 151 úı tehnıkalyq kelisimshartqa ıe boldy, 700 úıde montajdaý jumysy júrip jatyr. Qazirgi ýaqytta gaz tolyǵymen «Kóktal-1», «Kóktal-2» turǵyn úı alaptaryna jáne «Agroqalashyq» turǵyn úı alabynyń bir bóligine túsedi. Qarasha aıynyń sońyna deıin «Agroqalashyq» turǵyn alabynda qalǵan 20 kóshe gazben qamtylady», - dep túsindirdi Saryarqa aýdany ákimdiginiń baspasóz qyzmeti.
Aıta keteıik, bıyl 4 qarashada «Kóktal-1» turǵyndary gaz berýdegi irkilisterge shaǵymdanǵan edi. Ákimdik gazben jabdyqtaý jelilerinde bolǵan avarııaǵa baılanysty gaz berý toqtatylǵanyn túsindirdi.
«Mamandar elordaǵa gaz 1000 shaqyrymnan astam aýqymdy qurylys nátıjesinde júrgizilgenin, al elordada gazdandyrý tolyǵymen aıaqtalyp, barlyq úı gazǵa qosylǵan kezde qysym turaqtanatynyn eskerip, mundaı aqaýlar qalypty qubylys ekenin eskertedi. Gaz qaıtadan qosylǵan aýmaqtarda mundaı jaǵdaılar alǵashqy 2-3 jylda bolyp turady. Sondaı-aq, mamandar turǵyndarǵa osy ýaqyt ishinde rezervtik peshterdi paıdalanýǵa keńes beredi. Eske sala keteıik, Saryarqa aýdanynyń turǵyndary gazdy bir jyl boıy paıdalanyp keledi», - dep túsindirdi aýdan ákimdigi.