Elordanyń ortalyq saýda oryndarynda merekelik is-sharalar ótedi

ASTANA. 15 jeltoqsan. QazAqparat - QR Táýelsizdik kúni merekesinde  qala turǵyndary men qonaqtary  iri saýda oryndarynda  túrli oıyn-saýyq  is-sharalaryn  tamashalaı alady, dep habarlaıdy astana.kz saıty qalalyq kásipkerlik jáne ónerkásip basqarmasyna silteme jasap.  

Aıta aıtqanda,  Han Shatyr  SOO 15 jeltoqsan kúni «Kók túrkiler» jańa halyq astaptar orkestriniń ónerin usynýdy josparlasa, 16 jeltoqsanda  atrıýmde  qazaqstandyq  JCS  toby men tanymal Almas Kishkenbaevtyń, sondaı-aq,  akkordeonshylar  shoýynyń kontsertteri qoıylady. 17 jeltoqsan  kúni  jyl saıynǵy  «Best of Khan Shatyr» syılyǵyn tapsyrý ótedi.  Halyqtyq  daýys berý  jeńimpazdaryna  statýetka men  gramotalar tapsyrylady.

MEGA  ortalyǵynda  jas ánshiler, bıshiler men gıtarashylar, dombyrashylar men saksofonshylar  óner kórsetetin «Juldyzdar shashýy» óner ortalyǵynyń merekelik kontserti  ótedi.  Al keıin kórermender  Lucky Jazz Band  djaz komandasynyń ónerin tamashalaıtyn bolady.

Sondaı-aq, merekeleýshilerdi  «Asia Park» SOO-da merekelik kontsert, syılyqtar utysy, oıyn-saýyq baǵdarlamalary  kútedi.  Sonymen qatar bul kúni  «Asia Ice Park» muz aıdyny  ashylady.

Qazaqstan Respýblıkasynyń  Táýelsizdik kúnine arnalǵan  kontsert  pen sýretshiler baıqaýynyń jeńimpazdaryna tapsyrylatyn júldelerdi, beıne quttyqtaýlardy  «Saryarqa»  SOO-dan tamashalaýǵa bolady. Kontsertke qalanyń  mýzykanttary men  bı  ujymdary qatysady.