Elordanyń ortalyǵynda qarasora ósirgen kúdiktiler ustaldy

NUR-SULTAN. QazAqparat - 20 maýsym kúni jedel-izdestirý is-sharalaryn júrgizý barysynda elordalyq polıtsııa qyzmetkerleri Nur-Sultan qalasy boıynsha UQKD-men birlesip, jertóle qabatyndaǵy jalǵa alynǵan úı-jaıda quramynda esirtki zattary bar, ósirýge tyıym salynǵan ósimdikterdi zańsyz ósirgen eki er adamdy ustady, dep habarlaıdy Polisia.kz.

Jigitter daıyndalǵan birinshi partııadan ónim jınap úlgergen. Tintý is-sharalary barysynda qarasora ósirýge arnalǵan arnaıy jabdyqtar alyndy: shamdar, jeldetkishter, konteınerler.

Sonymen qatar, tyıym salynǵan ósimdikterdi ósirýge arnalǵan preparattar men tyńaıtqyshtar, býyp-túıý materıaldary, elektrondy tarazylar tárkilendi. Kúdiktiler qylmystyq nıetti iske asyrý maqsatynda jylý rejımi men ylǵaldyqty saqtaı otyryp, jeldetkishterdi, shamdardy, tamshylatyp sýarý júıesin ornatý arqyly esirtki ósimdikterin ósirýge jaǵdaı jasaǵan.

Atalǵan fakti boıynsha QR QK-niń 300-baby «Quramynda esirtki zattar bar, ósirýge tyıym salynǵan ósimdikterdi zańsyz egip-ósirý» boıynsha sotqa deıingi tergeý júrgizilýde. Saraptama taǵaıyndaldy. Kúdiktiler Nur-Sultan qalasy PD ÝUI-ǵa qamaldy.