Elordanyń Nura aýdanynda polıtsııa basqarmasy qurylmaq
15:06, 13 Naýryz 2023
ASTANA. QazAqparat – Elordada jańadan qurylǵan Nura aýdanynda polıtsııa basqarmasy jasaqtalady. Bul týraly ashyq talqyǵa shyǵarylǵan Úkimet qaýlysynda jazylǵan, dep habarlaıdy QazAqparat tilshisi.
«QR Іshki ister mınıstrligi Astana qalasynyń polıtsııa departamenti «Nura» aýdanynyń polıtsııa basqarmasy memlekettik mekemesi qurylsyn. Memlekettik mekemeni qarjylandyrý QR Іshki ister mınıstrligin ustaýǵa arnalǵan respýblıkalyq bıýdjette jáne jergilikti bıýdjette kózdelgen qarajat esebinen júzege asyrylady», - delingen qujatta.
Qaýly 30 naýryzǵa deıin kópshilik talqylaýda bolady.
Eske salaıyq, ótken jyldyń jeltoqsan aıynda elordada jańa aýdan qurý týraly sheshim qabyldanyp, oǵan Nura ataýy berilgen edi. Keıin onyń shekarasy bekitildi.