Elordanyń mobıldi toptary karantın talaptary 734 ret buzylǵanyn anyqtady

NUR-SULTAN. QazAqparat - Elordadaǵy mobıldi toptar kásipkerlik sýbektileri arasynda karantın rejımin buzýǵa qatysty jyl basynan beri 1 180 reıd kezinde shekteý sharalaryn saqtamaýdyń 734 faktisin tirkedi, dep habarlaıdy QazAqparat qala ákimdigine silteme jasap.

Bul týraly qalalyq polıtsııa departamenti jergilikti polıtsııa qyzmetiniń bastyǵy Arman Aıtmaǵambetov málim etti.

Elorda ákimdiginde qala ákiminiń orynbasary Baqtııar Mákenniń tóraǵalyǵymen Nur-Sultanda koronavırýs ınfektsııasynyń taralýyna jol bermeý jónindegi komıssııanyń kezekti otyrysy ótti.

«Qala aýmaǵynda karantındik sharalardyń jalǵasýyna baılanysty polıtsııa departamenti shaǵyn jáne orta bıznes nysandarynyń, elorda turǵyndary men qonaqtarynyń olardy saqtaýy boıynsha aldyn alý jumystaryn júrgizýde. Epıdemıologııalyq talaptardy buzatyn obektilerge, ıaǵnı oıyn-saýyq oryndaryna, dámhanalarǵa, meıramhanalarǵa, karaokege, barlarǵa, saýda ortalyqtaryna erekshe nazar aýdarylady. Osy jyldyń basynan beri mobıldik toptar 1180 reıd ótkizip, 734 karantın sharalaryn buzý anyqtady», — dedi A.Aıtmaǵambetov.

Sanıtarlyq-epıdemıologııalyq baqylaý departamenti Mamandandyrylǵan aýdanaralyq ákimshilik sotqa 42 mekemege qatysty 53 materıal jiberdi, olar — qaralý satysynda.

Sot sheshimimen 36 mekemeniń ákimshiligi obektilerdiń qyzmeti toqtatylyp, ákimshilik jaýapkershilikke tartyldy.
Karantındi buzýshylardy anyqtaý boıynsha jumystar jalǵasýda, halyqqa karantındik sharalardy saqtaý týraly túsindirý suhbaty júrgizilýde.