Elordanyń qurylys nysandarynda jazataıym oqıǵalar azaıdy
Ótken jyldyń osy kezeńinde 63 adam jaraqattanyp, onyń ishinde 13-i kóz jumdy. Bul týraly QR Eńbek jáne halyqty áleýmettik qorǵaý mınıstrliginiń Astana qalasy boıynsha Baqylaý jáne áleýmettik qorǵaý departamentinen habarlady.
«Jalpy, sońǵy jyldary Astanada qurylys oryndarynda jazataıym oqıǵalar azaıyp keledi. Departament mamandarynyń aıtýynsha, keleńsizdikter kóp jaǵdaıda jumystyń durys uıymdastyrylmaýynan, jumysshylardyń jeke qorǵanys quraldaryn qoldanbaýynan jáne eńbek qorǵanysy erejelerin bilmeýinen týyndaıdy. Osyndaı oqıǵalardyń negizinde, 2012 jyly Eńbek ınspektsııasy birneshe ret iri qurylys nysandarynda tekserý jumystaryn júrgizdi. Qatań buzýshylyqtar anyqtalǵan jaǵdaıda sharttar tolyq oryndalǵanǵa deıin qurylys-montajdaý jumystary toqtatyldy», - delingen baspasóz aıǵaǵynda.
Buǵan qosa, «Ábý Dabı Plaza», «Qazaqstannyń tarıh murajaıy», «Klassıkalyq opera jáne balet teatry», «Nazarbaev Zııatkerlik mektebi» syndy basqa da 32 nysanda jumysshylarmen kezdesýler ótkizilip, departament ázirlegen «Eńbek qorǵanysy jónindegi negizgi erejeler» jáne «Eńbek zańnamasyn saqtaý boıynsha jumys berýshilerge ádistemelik usynystar» taratyldy.