Elordanyń keıbir mekemeleri jumys rejımin júıeli buzyp keledi

NUR-SULTAN. QazAqparat - Elordanyń monıtorıngtik toptary ótken táýlikte bes kásipkerlik nysanda karantın talaptary buzylǵanyn anyqtady, dep habarlaıdy Nur-Sultan ákimdiginiń resmı saıty.

Kásipkerlik nysandar arasynda shekteý sharalarynyń buzylǵanyn anyqtaý jáne jolyn kesý jónindegi monıtorıngtik toptar kúsheıtilgen rejımde jumysyn jalǵastyrýda.
Máselen, ótken táýlikte, 19 maýsymda Saryarqa aýdanynda jumys isteýine tyıym salynǵanyna qaramastan «Sovetstkıı» syra bary men «Fakır» kafesi jurtshylyqty qabyldaǵany úshin ákimshilik jaýapkershilikke tartyldy.
Baıqońyr aýdanynda ornalasqan «Vse Svoı» kafesi de osyndaı jazaǵa tartyldy.

Almaty aýdanynyń monıtorıngtik toby «The DOM» bary jumys rejımin buzǵanyn, al «Sova» karaoke-klýbynda áleýmettik qashyqtyq saqtalmaǵanyn anyqtady.

Karantındi buzýshylarǵa qatysty jınalǵan materıaldyń bári ákimshilik sharalar qabyldaý úshin aýdandyq sanıtarlyq-epıdemıologııalyq baqylaý basqarmalaryna berildi.

Esterińizge sala keteıik, Nur-Sultan epıdemıologııalyq ahýaldy baǵalaý boıynsha «qyzyl» aımaqtan shyqqan joq. Sondyqtan elorda turǵyndary men qonaqtary, sondaı-aq kásipkerlik nysandary sanıtarlyq normalardy, karantın rejımin qatań saqtaýy jáne turǵyndar arasynda koronavırýstyq ınfektsııanyń odan ári taralýyn boldyrmas úshin sanıtarlyq dárigerdiń usynystaryn ustanýy kerek.