Elordanyń Esil aýdanynda 124 múlik ıeleri birlestigi quryldy
Bul týraly Esil aýdany ákiminiń orynbasary Qanat Abbasov Nur Otan ókilderi uıymdastyrǵan «Partııa kúni» sharasynda aıtty.
«Búginde qala boıynsha 240-tan astam MIB qurylsa, soynń 124-i Esil aýdanyna tıesili. 2020 jyldyń 9 qańtary men bıylǵy 14 aqpan aralyǵynda qala turǵyndarymen «Turǵyn úı qatynastary týraly» QR zańnamasyndaǵy ózgeristerdi túsindirý boıynsha 5 kezdesý ótkizildi. ZOOM arqyly onlaın kezdesýl ótkizý úshin Esil aýdany 28 ýchaskege bólingen. Jalpy qarqyn jaman emes. Turǵyndar qyzyǵýshylyq tanytyp jatyr. Biraq, ókinishke qaraı, keıbir kemshilikter bar», - degen Qanat Abbasov MIB tóraǵalary jaýapkershilikten qorqyp, óz laýazymynan bas tartqan kezder bolǵanyn eske aldy
«MIB tóraǵalary aqshany ysyrap etkeni, menshik ıeleriniń qarajatyn durys bólmegeni úshin qylmystyq jaza arqalaıtyny týraly bilgende qyzmetinen bosatýdy ótingender boldy. Biraq jergilikti atqarýshy organnyń páter ıeleri arasyndaǵy qarym-qatynasqa aralasýǵa quqyǵy joq, Óıtkeni MIB tóraǵasyn páter ıeleriniń ózderi saılady. Soǵan qaramastan ákmdikten kelip kómek suraıdy. Biz tek keńes berip, túsindirýge ǵana qaýqarlymyz» - dedi ákimdik ókili.