Elordanyń eń kóne teatry Qazaqstandaǵy drama teatrlary festıvaliniń bas júldesin ıelendi
Qaıta jańǵyrǵan mereke – Respýblıka kúni qarsańynda kórnekti aktrısa, KSRO halyq ártisi Sholpan Jandarbekovanyń 100 jyldyǵyna arnalǵan drama teatrlarynyń XXVIII respýblıkalyq teatr festıvaliniń saltanatty jabylý rásimi ótti.
M. Gorkıı teatry atalǵan festıvalge A. Ostrovskııdiń «Groza» spektaklimen halyq qatysty. Rejısser Racha Mahataev pen qoıýshy-sýretshi Ilshat Vıldanov qoıǵan «Groza» dramasynyń klassıkalyq sıýjetinde belgili bir N qalasynyń aq-qara áleminde, bıik dýaldyń ar jaǵynda, taqýalyq degen jeleýmen qatygez adamgershilik pen ekijúzdilik jasyrylǵan, al bul qubylysqa mahabbat, meıirimdilik pen janashyrlyq sezimderi qarsy tura alýy kerek
Festıval synshylarynyń sheshimimen M. Gorkıı atyndaǵy Memlekettik akademııalyq orys drama teatrynyń «Groza» spektakli shaǵyn formadaǵy úzdik qoıylym dep tanylsa, aktrısalar Ýlıana Aprelskaıa men Aıjuldyz Halıkova «Úzdik áıel róli» jáne «Sholpan juldyz» nomınatsııalarynda jeńimpaz atandy.
«Mundaı kezdesýlerde biz áriptesterimizdiń jumysymen tanysamyz, jańa talanttardyń qalaı dúnıege kelgenin kórip otyrmyz, bul – óte tamasha múmkindik», - deıdi teatr aktrısasy, QR eńbek sińirgen qaıratkeri Lıýdmıla Krıýchkova.
Rejısser Racha Mahataev ta teatrlardyń osyndaı festıvalderge qatysýǵa múmkindik alǵanyna rızashylyǵyn bildirdi.
«Trýppanyń basqa teatrlarmen, basqa da qoıylymdarmen tanysýy óte paıdaly. Mundaı kezdesýlerden trýppa kásibı turǵydan ósip, tájirıbe jınaqtaıdy», - deıdi teatr rejıssery.
Eske sala keteıik, drama teatrlarynyń XHVIII respýblıkalyq festıvali 18 qazan kúni saltanatty túrde ashyldy.
Sondaı-aq, 22 qazan kúni Astanada Ázirbaıjan Mámbetovtiń 90 jyldyǵyna arnalǵan teatr festıvali bastaldy .
Oqı otyryńyz, Almaty – elimiz boıynsha teatry eń kóp qala. Bul týraly Ulttyq statıstıka bıýrosy málim etti.