Elordanyń búkil kommýnaldyq mekemelerinde jalaqy ósti

NUR-SULTAN. QazAqparat – Elordanyń barlyq kommýnaldyq memlekettik mekemeleri qyzmetkerleriniń jalaqysy kóterildi. Bul týraly Nur-Sultan qalasy ákiminiń orynbasary Berik Jakenov aıtty, dep habarlaıdy QazAqparat tilshisi.

«Kúni keshe ǵana ákimdik barlyq kommýnaldyq memlekettik mekeme qyzmetkerleriniń jalaqysyn qosymsha kóterý týraly sheshim qabyldady. Bul mádenıet nysandarynyń, mýzeılerdiń, teatrlardyń, sonymen qatar ákimdik janyndaǵy qoǵamdyq kelisim mekemesiniń qyzmetkerlerine de qatysty», - dedi Berik Jakenov Nur-Sultan qalalyq Qazaqstan halqy Assambleıasynyń HH sessııasynda.

Onyń dereginshe, sońǵy 3 jylda elorda turǵyn úı qurylysy salasynda 5 jyldyń normasy oryndalyp, 8,5 mln sharshy metr turǵyn úı paıdalanýǵa berildi.

JEO-3 qurylysy qaıta jandanyp, jaýyn sýyna arnalǵan káriz júıesi, sorǵy-súzgi stansasy salynyp jatyr. 50 shaqyrym ınjenerlik jeli, 2 mektep, 2 sport kesheni salyndy.

Almaty, Saryarqa aýdandaryndaǵy 10 turǵyn úı alaby tolyqtaı gazǵa qosyldy. 680 shaqyrym gaz taratý jelisi tóseldi.

«Bıyl Baıqońyr men Esil aýdandaryn gazdandyrý júrip jatyr. Sońǵy 3 jylda uzyndyǵy 165 shaqyrym bolatyn 300-den astam kóshe salynyp, jóndeldi. 2 avtomobıl kópiri salynyp jatyr. Bıyl Uly dala dańǵylyǵyndaǵy, kelesi jyly Táýelsizdik dańǵylyndaǵy kópir qurylysy aıatalady», - dedi ol.