Elordanyń belsendi jastary Elbasy maqalasyna qoldaý bildirýde

ASTANA. QazAqparat - Keshe «Egemen Qazaqstan» gazetinde Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasy jarııalanǵan bolatyn. Tarıhı mańyzdy qujatty jastar qyzý talqylap, jan-jaqty qoldaý bildirip jatyr. QazAqparat elordanyń belsendi jastarynyń pikirin jarııalaýdy jón kórdi.

***

Jastardyń  bolashaqqa umtylýy  

Elbasynyń «Bolashaqqa baǵdar: rýhanı jańǵyrý» atty maqalasynda  elimizdiń ıdeologııalyq jumystaryna asa mán berilgen. Ult kóshbasshysy óziniń baǵdarlamalyq maqalasynda ulttyq rýhty kótermeıinshe eshqandaı órkendeýdiń bolmaıtynyn atap ótti.

Sondaı-aq, damyǵan 30 eldiń qatarynda ený úshin latyn álipbıine kóshýdi usyndy.

Sonymen qatar, Elbasynyń 2017 jylǵy joldaýynda úsh tildi bilimdi basty nazarǵa alynǵany aıtylǵan. Sonyń ishinde qazaq tili basymdyǵy saqtalatyny negizge alynǵan. Mektepte joǵary synyptarda keıbir pánder aǵylshyn tilinde ótetini jastardyń bolashaǵyna oń áser tıgizetini anyq.

         IT bilimdi damytýdy qos qoldap qoldaımyn. Tehnologııa úzdiksiz damý ústinde. Barlyq salada elektrondy jumys isteý - ýaqyt tıimdiligi dep oılaımyn.  Bul baǵdarlamalyq maqala men sııaqty elimizdiń bolshaǵyna alańdaıtyn jastarǵa tehnologııalyq zamanaýı damýdyń jáne de bolashaǵymyz eńbek arqyly jarqyn bolatyna senim bildiredi.

Aqtoty Abımoldaeva - L.N.Gýmılev atyndaǵy Eýrazııa Ulttyq Ýnıversıteti fızıka-tehnıkalyq fakýlteti  ıadrolyq fızıka mamandyǵynyń magıstranty

  

***

«Elbasymyzdyń salıqaly saıasatynyń arqasynda elimiz jan-jaqty damýda, jáne endigisi ulttyq sanamyzdy qolǵa alý. Bolashaqta elimizde odan ári oıly, zamanaýı jastar bolatynyna senemin. Jastar qoldaıtyn osyndaı jospar-baǵdarlarymyz kóp bolǵaı»

Taır Taskalı Tlekýly

"Jas Otan" JQ Astana qalalyq «Nur» fılıalynyń tóraǵasy

***

«Elbasymyzdyń alǵa qoıǵan saıası jáne ekonomıkalyq  reformalaryn tıimdi júzege asyrýdyń arqasynda elimizdi turaqtylyq pen mádenı - rýhanı órleý kútip turǵanyna senimdimin. Bizdiń jastarymyzdyń bilimge degen umtylysyn halyqaralyq deńgeıdegi jarystarda at salysyp júrgeninen baıqaýǵa bolady, ıaǵnı jastarymyzdyń áleýeti  myqty»

Ardaq Júsipova

Astana qalasy Jastar saıasaty máseleleri boıynsha basqarmasynyń bas mamany

***

Elbasymyz atap kórsetkendeı aldymyzda turǵan jańa tarıh kezeńi bulyńǵyr. Sol bulyńǵyrlyqty aıqyndaý úshin ózimizdi myqtap qolǵa alyp, zaman aǵymyna qaraı jańa dáýirdiń jaǵymdy jaqtarymen sanamyzdy rýhanı jańǵyrtyp otyrýymyz qajet ekendigi sózsiz. Memleket basshysy sanamyzdy zamannyń aǵymyna qaraı jańǵyrtyp otyrýdyń birneshe baǵytyn atap ótti. Solardyń biri básekelestik qabiletti damytý. Álemdik naryqta túrli salada  sapaly ozyq ári utymdy dúnıe usyna alý - básekelestik qabilettiliktiń negizi. Ár zamannyń ózindik aǵymy bolady. Qazaqstandyqtardy HHІ ǵasyrdyń talaptaryna saı daıarlaý boıynsha júrgizilip jatqan «Tsıfrli Qazaqstan», «Úsh tilde bilim berý», «Mádenı jáne konfessııaaralyq kelisim» sekildi baǵdarlamalardyń júzege asyrylýy, elimizdiń bolashaqqa degen aıqyn baǵdary ekendigine senim bildiremiz. Birligi myqty eldiń halqy retinde memleketimizdiń damýyna óz úlesimizdi qosýǵa atsalysaıyq!

S. Turapbaı, jas maman.