Elordanyń barlyq aýdanynda Belsendi uzaq ómir ortalyqtary ashylady
«Elordanyń áleýmettik mańyzdy máselelerin sheshýde jergilikti atqarýshy organdar men azamattyq qoǵam ókilderi arasyndaǵy áriptestikke artylar senim zor. Ótken jyldary Nur-Sultan qalasynda azamattyq qoǵamdyq qoldaý, onyń áleýetin nyǵaıtý, sondaı-aq mańyzdy máselelerdi sheshý isine azamattyq qoǵam ókilderin jumyldyrý maqsatynda áleýmettik áriptes retinde birqatar irgeli jumys júrgizdik. Áleýmettik saıasat basymdyǵy qalyptasty. Astana adaldyq alańy, Nur-Sultan qalasynyń azamattyq bastamalar ortalyǵy, «Januıa» qoldaý ınstıtýty, aǵa býynmen sabaqtastyqty nyǵaıtý jáne tálimgerlikti damytý baǵytynda Belsendi uzaq ómir ortalyǵy ashyldy. Jaqynda ǵana ashtyq», - dedi ol «Táýelsizdiktiń 30 jyldyǵyn ótkizýdegi azamattyq sektordyń róli» taqyrybynda ótken kezdesý barysynda.
Onyń aıtýynsha, Belsendi uzaq ómir ortalyǵyn qurý týraly usynysty aǵa býyn ókilderi bergen. Olar úılerinde bos otyrmaı, sol jerde áńgime-dúken quryp, shahmat oınap, sportpen de aınalysa alady. Bul bastama ǵana. Aldaǵy ýaqytta qalanyń ár aýdanynda osyndaı ortalyqtar ashylady.
«Nur-Sultan qalasynyń ákimdigi memlekettik áleýmettik tapsyrystardy uzaqmerzimdi qarjylandyrýdy 8 jobaǵa jetkizdi. Osy 10 jyl buryn elordada úkimettiń emes uıymdardyń sany 2 500 bolsa, qazir 12 paıyzǵa artyp, 2 900-ge jetti. 2018 jylmen salystyrǵanda azamattyq qoǵam ınstıtýttarynyń belsendiligi 3 ese artty», - dedi Baqtııar Máken.
Buǵan deıin elordada úkimettik emes uıymdardyń ókilderi «Táýelsizdiktiń 30 jyldyǵyn ótkizýdegi azamattyq sektordyń róli» taqyrybynda kezdesý ótkizgenin habarlaǵan edik.