Elordanyń árbir besinshi turǵyny baspana alýdy josparlaýda

NUR-SULTAN. QazAqparat – Elordanyń 208 myńnan astam megapolıstiń turǵyny páter alýdy josparlap otyr. Bul týraly Turǵyn úı qurylys jınaq banki Ortalyq fılıalynyń dırektory Jansultan Mataev aıtty, dep habarlaıdy QazAqparat.

Banktiń baspasóz qyzmetiniń habarlaýynsha, 2020 jyly «Nurly jer» baǵdarlamasy boıynsha 1172 otbasy turǵyn úı ala alady.

«Nurly jer» baǵdarlamasy aıasynda turǵyn úı konkýrstyq negizde 50/50 qaǵıdaty boıynsha bólinedi, ıaǵnı páterlerdiń 50% - y ákimdik kezekte turǵandar arasynda bólinedi, qalǵan 50% -y kezekte turǵandar bolyp tabylmaıtyn banktiń basqa salymshylary arasynda bólinedi.

Turǵyn úı jınaǵan baldarǵa sáıkes bólinedi. «Nurly jer» baǵdarlamasy aıasynda salynyp jatqan barlyq nysandar týraly baspana.kz saıtynan bilýge jáne ótinim berýge bolady.

Aıta ketsek, eki jyl ishinde «Nurly jer»baǵdarlamasy boıynsha 984 otbasy óz baspanasyn aldy. Taǵy 250 salymshy Jańa jyl qarsańynda qonys toıyn toılaıdy, al 403 otbasy óz páterine 2020 jyldyń basynda kiretin bolady.