Elordanyń áleýmettik qyzmetkerlerine MÁMS pen AÁK-tiń jańa formaty túsindirildi

NUR-SULTAN. QazAqparat - Búgin elorda ákimdiginiń birqatar basqarmalary ataýly áleýmettik kómektiń jańa tásili jáne mindetti áleýmettik medıtsınalyq saqtandyrýdy engizý boıynsha bilim berý uıymdaryndaǵy áleýmettik qyzmetkerlermen kezdesý ótkizdi, dep habarlaıdy QazAqparat.

«Sharaǵa Jumyspen qamtý jáne áleýmettik qorǵaý, Densaýlyq saqtaý basqarmalarynyń basshylary, qalalyq bilim berý mekemeleriniń áleýmettik qyzmetkerleri qatysty. Jıyn barysynda halyqty áleýmettik qorǵaýdyń mańyzdy máseleleri, sondaı-aq AÁK taǵaıyndaýdyń jańa tásilderi men mindetti áleýmettik medıtsınalyq saqtandyrý júıesi aıasynda medıtsınalyq kómek kórsetý jaıly aqparat berildi», - dedi Nur-Sultan ákimdiginen.

Eske salsaq, aǵymdaǵy jyldan bastap ataýly áleýmettik kómek kórsetýdiń jańa tásilderi boıynsha reforma bastaldy. Negizgi mindet – eńbekke qabiletti azamattardy jumyspen qamtamasyz etý, turaqty jalaqy tóleý jáne olardy ómirdiń qıyn jaǵdaıynan shyǵarý. Sondaı-aq, osy jyldan bastap mindetti áleýmettik saqtandyrý júıesi de iske qosyldy. MÁMS júıesine tirkelmegen el azamattary aǵymdaǵy jyldyń 1 sáýirine deıin saqtandyrý júıesine tirkelý qajettigin aıta ketken jón.