Elordanyń ahýaldyq ortalyǵy KVI anyqtalǵan 750 naýqasty statsıonarlarǵa bóldi
Osylaısha, jaqynda qurylǵan ahýaldyq ortalyq emhanalardaǵy naýqastarmen jumys isteıdi. 23 maýsymnan bastap 750 naýqasty statsıonar boıynsha bóldi, baılanys ortalyǵy jedel járdem stansasymen tikeleı jumys isteıdi (tel.705 103).
Kún saıyn shamamen 500 ótinish qabyldaıdy. Bul ortalyqtar jedel járdem stansasy júktemesin aıtarlyqtaı tómendetýge múmkindik berdi.
«Naýqastar legin durys bólý óte mańyzdy. Jedel járdem stansasy bazasynda buryn keńes zaly bolǵan. Biz ony ahýaldyq jáne baılanys ortalyqtary dep ózgerttik. Mundaı ortalyqtardyń ashylýy jedel járdem shaqyrýshylar sanyn azaıtýǵa ǵana emes, sonymen qatar naýqastarǵa jedel medıtsınalyq kómek kórsetýge múmkindik beredi. Eger buryn jedel járdemge kúnine 3 myńnan astam ótinish tússe, qazir 2 myńnan sál artyq. Sonymen qatar jedel medıtsınalyq kómek stansaıasynyń telegram-boty (@ns103bot) iske qosyldy. Telegram chat-bot 24 maýsymnan beri 1 800 ótinish qabyldady. Keri baılanysty kúsheıtý boıynsha júıeli jumystar júrgizip jatyrmyz», – dedi qala ákimi Altaı Kólginov.
Sondaı-aq Damumed mobıldi qosymshasy iske qosyldy. Ol arqyly onlaın-qabyldaýǵa jazylýǵa jáne beıneqońyraý formatynda tegin keńes alýǵa bolady. Qabyldaý týraly aqparat dárigerdiń medıtsınalyq jazbasynda saqtalady. BMSK 31 uıymy elorda turǵyndary úshin tegin beıne-keńester beretin bolady. 19 uıym qosymsha qosyldy. Telemedıtsına quraldary arqyly naýqastardy baqylaý boıynsha jumystar belsendi júrgizilýde. Budan bólek, koronavırýs jáne oǵan qatysty qabyldanǵan sharalar týraly barlyq resmı aqparat covid19.astana.kz portalynda jarııalanady.