Elordany sýmen qamtý úshin Sátbaev arnasynan sýaǵar tartylýy múmkin

ASTANA. QazAqparat – Elordany sýmen qamtamasyz etý úshin Qanysh Sátbaev atyndaǵy arnadan sýaǵar tartylýy múmkin. Bul týraly Senattyń «Óńir» depýtattyq tobynyń otyrysynda Ekologııa, geologııa jáne tabıǵı resýrstar mınıstrligi sý resýrstary komıtetiniń tóraǵasy Nurlan Aldamjarov aıtty, dep habarlaıdy QazAqparat tilshisi.

«Astana qalasynyń ákimdigi qalany aýyz sýmen balama qamtamasyz etýdiń birneshe nusqasyn pysyqtap jatyr. Birinshi nusqa – Qanysh Sátbaev arnasynan Astanaǵa deıin sýaǵar tartyp, №4 sorǵy stansasyn salý. Ózderińiz de biletindeı, qazir ákimdik 3 stansa salyp jatyr. Osy jyldyń sońyna deıin qurylys jumystary aıaqtalady», - dedi komıtet tóraǵasy.

Onyń atap ótýinshe, qazirgi ýaqytta atalǵan sýaǵardyń jobalyq-smetalyq qujattamasy men tehnıkalyq-ekonomıkalyq negizdemesi jasalyp jatyr.

Bul jumys 2028 jylǵa qaraı aıaqtalmaq. Jobanyń aldyn ala boljamdy quny - shamamen 300 mlrd teńge.

Uzyndyǵy shamamen 200 shaqyrym sýaǵar salynady.

«Búginde Sátbaev arnasy tolyq qýatynyń 30 paıyzyna ǵana jumys istep tur. ıAǵnı, onda qazirgi ýaqytta qor bar jáne ony Astanany sýmen qamtýǵa jiberýge bolady. Arna únemi jumys isteıdi. Ózderińiz de bul arnanyń basseınaralyq ekenin bilesizder. Ol sýdy Ertisten alyp, Qaraǵandy oblysyndaǵy Nura ózenine quıady. Sondyqtan sý qoryna qatysty másele kóterilip otyrǵan joq. Balama sý kózine qatysty másele sheshiledi. Búginde qala úshin qaterli ahýal joq. Belgili bir tapshylyq bar. Biraq, ony sheshýge bolady. Qazir Astana tutyný maqsatynda jylyna shamamen 90 mln tekshe metr sý paıdalanady. Ony Astana sý qoımasynan alady. Onyń kólemi búgnde 410 mln tekshe metrdi quraıdy jáne de balama nusqa salǵanǵa deıin belgili bir qor bolady», - dedi Nurlan Aldamjarov.