Elordany gazdandyrý jumystary qalaı júrip jatyr
12:15, 11 Jeltoqsan 2020
NUR-SULTAN. QazAqparat - Elorda ákimi Altaı Kólginov qalany gazdandyrý jumystary qalaı júrip jatqanyn aıtty, dep habarlaıdy QazAqparat tilshisi.
«Qazirgi ýaqytta 300 shaqyrym ishki gaz taratý jelileri tóseldi jáne tehnıkalyq sharttar berý, jeke sektordy gazǵa qosý jumystary júrgizilip jatyr. Bul ekologııamen, adamdardyń ómiri jáne densaýlyǵymen baılanysty másele. Sonymen qatar ol sizdermen birge jumys isteıtin júıeli másele sanalady», - dedi dedi Altaı Kólginov Nur-Sultan qalalyq máslıhatynyń otyrysynda.
Sonymen qatar qala basshysy 2020 jyldyń ishinde atqarylǵan jumystardyń qorytyndysyna toqtalyp ótti.
«2020 jyl pandemııa, karantındik shekteýler syndy qıyndyqtarǵa toly bolǵanymen sizdermen jaqsy jumys istedik. Aldymyzǵa qoıylǵan mindetterdi oryndadyq», - dedi elorda ákimi.