Elordada Syǵanaq kóshesi eki kúnge jabylady
19:44, 24 Tamyz 2024
<p>ASTANA. KAZINFORM — Astanada jóndeý jumysyna baılanysty taǵy bir kóshe jabylady. </p>
Astana qalasynyń kólik jáne jol-kólik ınfraqurylymyn damytý basqarmasynyń habarlaýynsha, Syǵanaq kóshesiniń Shyńǵys Aıtmatov kóshesinen bastap Turan dańǵyly deıingi ýchaskesinde sol jaq jol tóseminiń ústińgi qabatyn salý jumysy júrgiziledi.
Osyǵan baılanysty 24-26 tamyz aralyǵynda joǵaryda kórsetilgen ýchaske ishinara jabylady.
Bul rette qozǵalys joldyń oń jaǵymen eki baǵytta qamtamasyz etiletin bolady.
«Elorda turǵyndary men qonaqtarynan qala joldarynda keptelis bolmas úshin óz marshrýtyn aldyn ala josparlaýdy suraımyz. Ýaqytsha qolaısyzdyq úshin keshirim suraımyz jáne jol-qurylys jumysyn júrgizýge túsinistikpen qaraýdy ótinemiz» dep eskertedi ákimdikten.