Elordanyń qaı kóshelerinde birjaqty qozǵalys engiziledi

<p>ASTANA. KAZINORM &ndash; Elorda ákimdigi qalanyń qaı kóshelerinde kólikter úshin birjaqty qozǵalys engizý josparlanǵanyna qatysty málimeti jarııalady.</p>

«Qonaev, Dostyq, Túrkistan jáne Aqmeshit kósheleri boıymen birjaqty qozǵalys jobasyn qarastyrý aıasynda búginde saraptaý, problema bolýy múmkin ýchaskelerdi jáne jobany engizý barysyndaǵy shyǵyndardy tómendetý nusqalaryn anyqtaý protsedýralary júrgizilip jatyr», - delingen agenttik saýalyna berilgen jaýapta.

Ákimdiktiń atap ótýinshe, qazirgi ýaqytta qozǵalys leginiń elektrondy kólik modeli ázirlengen.

«Tájirıbede birjaqty qozǵalys kósheniń ótkizý qabiletin arttyrýǵa jáne jolǵa ketetin ýaqytty tómendetýge múmkindik beredi. Degenmen, japsarlas kólik-jol jelilerine áserin tómendetý úshin jan-jaqty saraptama qajet», - dep naqtylaıdy ákimdikten.

Atalǵan kóshelerdiń boıynda turǵyn úıler men keńse-jaılardyń kóp bolýyna baılanysty, sonymen qatar halyqpen keri baılanys ornatyp, áleýmettik shıelenisti tómendetý maqsatynda aldyn ala qoǵamdyq talqylaý men tyńdaý ótkiziledi. Sonyń negizinde túpkilikti sheshim qabyldanady.