Elordalyqtar jalǵa alǵan páterin jekeshelendirýge múmkindik alady

Elordada jalǵa berilgen páterlerdi jekeshelendirýge múmkindik berilmek. Bul týraly Astana qalalyq turǵyn úı jáne turǵyn úı ınspektsııasy basqarmasynyń basshysy Ánýar Saıpov aıtty, dep habarlaıdy QazAqparat tilshisi.

«Úkimettiń oń qorytyndysy bar. ıAǵnı, «satyp alý quqyǵynsyz» túsinigi joıylyp, adamdarǵa satyp alýǵa múmkindik beriledi. Biraq, jekeshelendirýdiń túsindirmesi bar. Buǵan deıin qalǵan qunymen jáne naryqtyq baǵamen satý máselesi qarastyrylǵan bolatyn. Naryqtyq baǵa bolmaıtyndyǵy sózsiz. Qalǵan qunyn óteıdi. Qazirgi ýaqytta jekeshelendirý tetikteri qarastyrylyp jatyr. Zań qabyldanǵanǵa deıin pikir bildire almaımyn. Biraq, jekeshelendirý bolady», - dedi ol qalalyq máslıhatta ótken jarııa tyńdaý barysynda.

Onyń dereginshe, qazirgi ýaqytta elorda ákimdiginiń balansynda shamamen 5 myń jalǵa berilgen páter bar. Olarda halyqtyń osal toptary turyp jatyr. Bul páterler satyp alý quqyǵynsyz berilgen.

Aıta keteıik, búginde elordada 46 267 azamat baspana kezeginde tur. Olar: kópbalaly otbasylar, jetim balalar, memlekettik qyzmetshiler, halyqtyń áleýmettik osal toptary, jalǵyz baspanasy apatty dep tanylǵan adamdar.