Elordalyqtar «Prezıdenttik habarlandyrý» pılottyq jobasyna qosyldy

NUR-SULTAN. QazAqparat – Tótenshe jaǵdaılar mınıstrligi «Qazaqtelekom» AQ-men birlesip SMS-habarlamalar arqyly TJ týraly halyqqa eskertý jasaý balama sheshimin pysyqtaýda, dep habarlaıdy QazAqparat.

Ol azamattardyń uıaly telefondaryna mátindik habarlamalardy (12-20 sekýnd ishinde) jedel taratýdy júzege asyrýǵa múmkindik beredi. Bul SMS-habarlamalar arqyly halyqty habardar etýdiń balama sheshimi.

Jobanyń maqsaty tabıǵı jáne tehnogendik sıpattaǵy yqtımal tótenshe jaǵdaılar (aýa raıynyń nasharlaýy, joldardyń jabylýy jáne t.b.) týraly halyqty ýaqtyly habardar etý bolyp tabylady.

Bul júıe AQSh, Japonııa, Izraıl, Gollandııa, Chılı jáne Lıtvada ózin oń jaǵynan kórsetti.

23 mamyrda Nur-Sultan qalasynda osy júıe synamaly túrde iske qosyldy. Halyqqa «Prezıdenttik habarlandyrý» jáne «Ulttyq habarlandyrý» habarlamasy keldi. Júıe shetelde ázirlengen jáne osy habarlamalardyń ataýy testilik bolyp tabylady. Aldaǵy ýaqytta habarlamalardyń ataýy «112» dep aýystyrylatyn bolady.