Elordalyqtar medıtsınalyq qyzmettiń sapasy týraly qaıda habarlasýy kerek
Bıylǵy jyldyń 1 qańtarynan bastap Qazaqstanda mindetti áleýmettik medıtsınalyq saqtandyrý júıesi iske qosyldy. Sol rette patsıentter tarapynan túsken medıtsınalyq qyzmetterdi kórsetý sapasyna qatysty shaǵymdar men usynystar 5 túrli jolmen Medıtsınalyq saqtandyrý qory qabyldaıdy.
Turǵyndar dárigerdiń dórekiligine, medıtsınalyq qyzmetterdiń sapasy men kólemine qatysty suraǵy bolsa, sondaı-aq tegin medıtsınalyq qyzmetterge aqy tólengende, olardyń sapasy men qoljetimdiligin jaqsartý boıynsha usynystaryn bildire alady.
«Medıtsınalyq saqtandyrý qory qyzmetkerleriniń habarlaýynsha, qorǵa júginýdiń 5 tásili bar. Osylaısha, patsıentter árbir medıtsınalyq uıymda jumys isteıtin ishki aýdıttiń patsıentterdi qoldaý qyzmetine usynys qaldyra alady», delingen habarlamada.
Keri baılanys úshin baılanys derekterin kórsete otyryp, bas dárigerdiń atyna jazbasha ótinish jazý jetkilikti. Ekinshi tásil – MVOTER mobıldik qosymshasynda medıtsınalyq uıymǵa baǵa berý. Ol úshin MÁMS paıdalanýshysy qosymshany júktep, medıtsınalyq mekemede Medıtsınalyq saqtandyrý qorynyń jetkizýshisiniń QR-kodyn skanerlep, qyzmet sapasyn baǵalaý qajet. Sondaı-aq, azamattar qor saıtynyń «Halyqtyq baqylaý» bóliminde myna silteme arqyly https:fms.kz/ru/leave-complaint jazbasha ótinish qaldyra alady. Sondaı-aq besinshi tásil – qordyń áleýmettik jelidegi messendjerine habarlama jiberý (fondosms (Facebook, Vk), fms.kz (Instagram).