Elordalyqtar qazan aıynda medsaqtandyrýǵa 2,5 mlrd teńge aýdardy

NUR-SULTAN. QazAqparat - Elordada jyl basynan beri medıtsınalyq saqtandyrý úshin 21,9 mlrd teńge túsken, dep habarlaıdy QazAqparat Áleýmettik medsaqtandyrý qorynyń astana fılıalyna silteme jasap.

«Osy jyldyń qazan aıynda 2,5 mlrd teńge jarna aýdardy. Olardyń qomaqty bóligi – 1,5 mlrd teńge jumys berýshilerdiń aýdarymdary, al 920 mln teńgege jýyǵy – jeke kásipkerlerden túsken jarna.

Sondaı-aq, MÁMS úshin biryńǵaı jıyntyq tólem (BJT) negizinde túsken jarna 8,4 mln teńgeni quraıdy. Biryńǵaı jıyntyq tólem jasaý – áleýmettik jáne medıtsınalyq saqtandyrý júıesine qatysýǵa quqyq beredi.

Elordalyq jumys berýshiler men jeke kásipkerlerdiń júıe iske qosylǵan 2017 jyldyń 1 shildesi men 2020 jyldyń 31 qazan aralyǵynda mindetti áleýmettik medıtsınalyq saqtandyrý úshin aýdarǵan jarnalarynyń jalpy somasy 52,4 mlrd teńgeni quraıdy.

Medıtsınalyq saqtandyrý qory patsıentter quqyǵyn qorǵaıdy. Sondyqtan mobıldi qosymshada sáıkessizdikter anyqtalǵan jaǵdaıda qordyń elordalyq fılıalyna habarlaýǵa bolady.

Sondaı-aq, 1406 telefonyna nemese Qoldau 24/7 mobıldi qosymshasy arqyly baılanysý kerek.