Elordalyqtar 8 mlrd teńgeniń tegin dári-dármegin aldy
«2023 jyldyń 30 maýsymyndaǵy jaǵdaı boıynsha Astana qalasynda 156 500 patsıent 508 262 retseptpen 8 mlrd 042 mln teńge somasyna tegin dári-dármekpen jáne medıtsınalyq buıymdarmen qamtamasyz etildi» - dep atap ótedi «Áleýmettik medıtsınalyq saqtandyrý qorynyń» elorda fılıaly.
Onyń ishinde tegin medıtsınalyq kepildendirilgen kómek kóleminde 7,5 mlrd teńge somasyna 476 623 tegin retsept boıynsha 144 563 patsıent, MÁMS esebinen 406,6 mln teńge somasyna 22 768 tegin retsept boıynsha 14 412 eresek patsıentter jáne 113,4 mln teńgege 6 484 bala 8871 tegin retsept boıynsha dári-dármek aldy.
«Sarapshylarymyz medıtsınalyq qyzmettiń qoljetimdi bolýy jáne onyń sapasynyń jaqsarýy, ıaǵnı patsıent quqyǵy saqtalýy úshin turaqty jumys júrgizedi», – dep atap ótedi elorda fılıalynyń dırektory Erbol Bekmuhambetov.
Qor málimetinshe, emhana dárihanalarynda barlyq qajetti preparattar men dárilik zattar bar.