Elordalyq jigit dosynyń iPhone smartfonyn aldap ıemdenip ketken
10:53, 13 Sáýir 2022
NUR-SULTAN. QazAqparat - Polıtsııaǵa 25 jastaǵy qala turǵynynan dosy iRhone 12 Pro markaly smartfonyn surap alyp, qashyp ketkeni týraly aryz tústi, dep habarlaıdy QazAqparat tilshisi.
Jedel izdestirý sharalaryn júrgizý barysynda astanalyq polıtsııa qyzmetkerleri urlyq jasaǵany úshin buryn sottalǵan 22 jastaǵy Almaty qalasynyń turǵynyn ustady.
«Tergeý barysynda jigitter elordalyq dámhanaǵa birge barǵany anyqtaldy. Biraz ýaqyttan keıin kúdikti dosynan tólem jasaımyn degen syltaýmen uıaly telefonyn suraıdy. Telefondy alǵan ol dámhanadan dereý shyǵyp, qashyp ketken. Keltirilgen shyǵyn kólemi 540 myń teńgeni quraıdy», - delingen polıtsııa departamenti taratqan habarlamada.
Atalǵan derek boıynsha QR QK-niń alaıaqtyq isterge negizdelgen 190-babymen sotqa deıingi tergeý amaldary júrgizilip jatyr.