Elordalyq jedel járdem brıgadasy Arysta ólim aýzynda jatqan patsıentti qutqardy

ARYS. QazAqparat - Arysta kezekshilik etip júrgen Nur-Sultan qalasynyń jedel medıtsınalyq kómek brıgadasy klınıkalyq ólim aýzynda jatqan patsıentti qutqardy. Bul jóninde Densaýlyq saqtaý mınıstrligine silteme jasap QazAqparat habarlaıdy.

Dárigerler der kezinde shuǵyl sheshim qabyldap, nátıjesinde patsıentti klınıkalyq ajaldan arashalap qaldy.

«Búgin tańǵy saǵat 07:40-ta Arys qalalyq jedel járdem stansasynyń pýltine 1989 jyly týǵan er adam týraly qońyraý tústi. Oǵan aldyn ala «elektr jaraqatyn alǵan» degen dıagnoz qoıylǵan. Al sol sátte kezekshilikte jergilikti dárigerlermen birge Nur-Sultan qalasynyń mamandary da bolǵan. Dárigerler oqıǵa ornyna shuǵyl jetken kezde patsıent es-tússiz, klınıkalyq ólim aýzynda jatqan. Aq halattylar jedel júrek-ókpe reanımatsııasy keshenin jasaǵan soń jas jigit esin jıǵan» delingen habarlamada.

Osydan keıin naýqas sanıtarlyq bortpen Shymkent qalasyna jetkizildi. Qazir patsıenttiń jaǵdaıy turaqty, ómirine esh qaýip joq. Ol qalalyq kardıologııalyq ortalyqta em alyp jatyr.