Elordalyq zeınetker qajylyqqa jınaǵan 16 mln teńgesin alaıaqqa berip qoıdy
Rolisia.kz málimetine sáıkes, belgisiz bireýler 69 jastaǵy jábirlenýshi áıeldiń uıaly telefonyna qońyraý shalyp, qyzynyń polıtsııada ekendigin, máseleni jedel sheshý úshin aqsha qajettigin aıtqan. Habarlasqan kúdikti úıde bar aqshanyń barlyǵyn daıyndap qoıýdy talap etken.
Birinshe kezekte balasynyń qaýipsizdigin oılaǵan zeınetker qajylyqqa barý úshin jınaǵan 16 mln teńgesin úıge kelgen kúdiktige ustatqan. Keıin qyzynyń jaǵdaıy jaqsy ekendigin anyqtap, óziniń alaıaqtardyń qýlyǵyna túskenin bilgen. Sodan soń polıtsııaǵa júgingen.
Polıtsııa aqparatyna súıensek, jedel-izdestirý sharasy kezinde kýrer retinde kelip, áıelden aqsha alyp ketken 26 jastaǵy er adam anyqtaldy. Ol osy qyzmeti úshin ózge adamdardan jalpy somanyń 10% kóleminde paıda alýǵa keliskenin moıyndady.
Sonymen qatar Astanada osyǵan uqsas taǵy bir oqıǵa tirkeldi. Onda da joǵaryda atalǵan alaıaqtyq tásilder qoldanylǵan. Saldarynan 54 jastaǵy áıel aılakerlerge 2 mln 650 myń teńgesin berip qoıǵan. Іzdestirý jumystary kezinde osy iske qatysy bar bolýy múmkin 20 jastaǵy jigit anyqtaldy. Ol Astana qalalyq Polıtsııa departamentiniń ýaqytsha ustaý ızolıatoryna qamalǵan.
«Atalǵan derekter Polıtsııa departamentiniń ýaqytsha ustaý ızolıatoryna qamaldy. Olardyń elorda aýmaǵynda jasalǵan basqa da osyǵan uqsas qylmystarǵa qatysy bar-joǵy tekserilip jatyr», - dedi Astana qalalyq Polıtsııa departamenti krımınaldyq polıtsııa basqarmasynyń bastyǵy Dastan Qalıev.