Elordalyq zaǵıp oqýshy halyqaralyq olımpıadada grand-chempıon atandy
Bul is-shara kóptegen jyldar boıy ártúrli elderde ótkizilip keledi. Bıyl olımpıadaǵa álemniń mentaldi arıfmetıka mektepterinen 500-den astam oqýshy qatysty.
Jas qazaqstandyq Abylaı Mustafın osy olımpıadanyń grand-chempıony atandy. Jas chempıon mentaldi arıfmetıkany oqýdy tek 2018 jyly bastaǵan bolatyn, qysqa ýaqyt - 8 aı aralyǵynda halyqaralyq deńgeıdegi basymdyqqa qol jetkizdi.
Abylaı Mustafın «Samruk-Kazyna Trust» qorynyń «Jas talanttar» jobasy aıasynda halyqaralyq olımpıadaǵa qatysyp, chempıon ataný múmkindigine ıe boldy.
«Jas talanttar» jobasynyń arqasynda talantty balalar jol júrý grantyn alý arqyly respýblıkalyq jáne halyqaralyq konkýrstarǵa qatysýǵa múmkindigi bar. Jol júrý grantyn alýǵa ótinimderdi qaraý kezinde komıssııa otbasy tabysynyń deńgeıin eskeredi, kópbalaly, tolyq emes otbasylardyń balalaryna, balalar úıleriniń tárbıelenýshilerine erekshe nazar aýdarady», - deıdi «Samruk-Kazyna Trust» Áleýmettik jobalardy damytý qory korporatıvtik kommýnıkatsııalar departamentiniń dırektory Mıras Іrgebaev.
Abylaı 11 jasta, Nur-Sultan qalasyndaǵy №10 mektep-gımnazııasynyń kózi kórmeıtin balalar tobynda 3-synypta oqıdy. Abylaı - týǵannan beri múgedek, dıagnozy - shala týǵandardyń 5 dárejeli retınopatııasy (kórý qabiletiniń bolmaýy, jaryqty sezbeý).
«Abylaı múgedektiktigine qaramastan mektepte ózin tek belsendi jaǵynan kórsetedi, ol - óte qabiletti oqýshy. Ol barlyq materıaldy estý arqyly shyǵarady, al sheshimdi Braıl ádisi boıynsha ózi jazady. Oqý kezeńinde Abylaı qalalyq olımpıadaǵa qatysyp, chempıon ataǵyna ıe boldy jáne halyqaralyq olımpıadada sýper chempıon atandy. Abylaı - baıqaýǵa barlyq qatysýshylarmen teń dárejede qatysqan jalǵyz kózi kórmeıtin bala», - dep atap ótti balanyń oqytýshysy Sáýle Saǵymbaeva.