Elordalyq stýdentterdi hostelderge ornalastyrýǵa aı saıyn 19 mln bólinedi

ASTANA. QazAqparat - Astana ákimdigi kolledj stýdentterin hostelderge ornalastyrý úshin aı saıyn 19 mln teńge bóledi. Bul týraly búgin qala halqynyń aldynda esep berip jatqan shahar basshysy Baqyt Sultanov aıtty, dep habarlaıdy QazAqparat tilshisi.

«Stýdenttik baspanaǵa qatysty aıtar bolsam, qalada shamamen 90 myń stýdent bar. 32 jataqhana jumys isteıdi, onda 14 myń stýdent turyp jatyr. Degenmen, taǵy 11 myń stýdent jataqhanany qajet etedi», - dedi ol.

Ákimniń aıtýynsha, búgingi kúni elordanyń joǵary oqý oryndaryna jataqhana salý úshin 15 jer telimi bólingen. Búginde JOO-lar jataqhana qurylysyn memlekettik-jekeshelik áriptestik aıasynda salý úshin qajetti qujattaryn daıyndap jatyr. Qurylys taıaý ýaqytta bastalady.

«Kolledj stýjentteri úshin turǵylyqty jer máselesi jergilikti bıýdjetten memlekettik tapsyrys arqyly hostelderge ornalastyrý esebinen tolyqtaı sheshildi. Jan basyna qarjylandyrý úshin bıýdjetten aı saıyn 19 mln teńge bólinedi. Bul jataqhana salýǵa ketetin qarajatty únemdeýge múmkindik beredi», - dedi qala basshysy.