Elordalyq polıtseılerge para usyný áreketteri jıiledi - ІІM

ASTANA. QazAqparat – QR Іshki ister mınıstrliginiń ókili Shuǵyla Turlybektiń aıtýynsha, qańtar aıynda astanalyq polıtseıler ózderine para usyný áreketteri týraly jıi habarlaǵan, dep habarlaıdy QazAqparat tilshisi.

«Qańtar aıynda Astana, Almaty qalalarynyń, Almaty, Qaraǵandy, Pavlodar jáne Jetisý oblystarynyń polıtsııa departamentterinde tekserý júrgizildi. Tekserý profılaktıkalyq turǵydan da áser etti. Ótken aıda anyqtalǵan ákimshilik quqyq buzýshylyqtardyń sany edáýir ósti. Mysaly, tek Astana qalasynda jol qozǵalysy erejelerin burýdyń jalpy sany 23 800-ge deıin jetti», - dedi mınıstrlik ókili.

Shuǵyla Turlybek ishki ister organdarynyń qyzmetkerlerin parasattylyqqa tekserýdiń pılottyq jobasy polıtsııa qyzmetkerleriniń jaýapkershiligin arttyrǵanyna mysal keltirdi.

«Pılottyń bastalýymen polıtsııa qyzmetkerleriniń olarǵa para berý áreketteri týraly habarlaý kórsetkishi artty. Byltyrǵy jyldyń tıisti kezeńimen salystyrǵanda mundaı faktilerdiń sany 3 esege jýyq ósti», - dedi ol.

Eske salsaq, bir apta buryn Shuǵyla Turlybek mınıstrlik mamandary qoǵamdyq qaýipsizdik tujyrymdamasyn ázirlep jatqanyn málim etken edi.