Elordalyq polıtseıler qalaǵa esirtki jetkizý jolyn kesti
«Quqyqtyq tártip» jedel aldyn alý is-sharasyn ótkizý barysynda Nur-Sultan qalasynyń polıtsııa qyzmetkerleri elorda aýmaǵyna esirtki jetkizýmen jáne satýmen aınalysqan kúdiktini ustaýǵa baǵyttalǵan arnaýly operatsııa ótkizdi. Atap aıtqanda, esirtki jetkizý jáne satý arnasynyń jolyn kesýge baǵyttalǵan jedel izdestirý is-sharasy kezinde 32 jastaǵy azamat ustaldy. Ony tintý barysynda salmaǵy shamamen 5 gramm bolatyn «gashısh» tárkilendi», - delingen Nur-Sultan qalalyq polıtsııa departamenti taratqan aqparatta.
Vedomstvo málimetinshe, kúdiktiniń Aqmola oblysyna qarasty Jaltyrkól aýylyndaǵy baspanasyn tintý barysynda qorada úıilgen shóptiń arasynan salmaǵy 19 keliden asatyn «marıhýana» tabylǵan. Ustalǵan azamat esirtkini elordadv satpaq bolǵan. Arnaýly operatsııa barysynda tárkilengen esirtkiniń jalpy salmaǵy19,3 kelini quraıdy.
«Qylmystyq isti tergeý aıasynda elorda aýmaǵyna ósirtki jetkizýge jáne satýǵa qatysy bar ózge de adamdardy anyqtaýǵa baǵyttalǵan jedel izdestirý is-sharasy júrgizilip jatyr. Atalǵan fakti boıynsha qylmystyq is qozǵaldy. Tergeý júrgizilýde», - dep atap ótedi departamentten.
«Quqyqtyq tártip» jedel aldyn alý is-sharasy ótkizilgen eki kúnniń ishinde qala aýmaǵynda 52 qylmys tirkelip, onyń 36-sy táýlik ishinde ashyldy. Sonymen qatar erterekte jasalǵan 29 qylmys áshkerelenip, izdeýde bolǵan 8 qylmysker ustaldy. Іshki ister organynda esepte turǵan 1 118 adam tekserýden ótti. 2 101 ákimshilik quqyq buzýshylyq tirkelip, túngi ýaqytta kóńil kóterý ornynda júrgen 89 kámeletke tolmaǵan jasóspirim anyqtaldy. Kólikti mas kúıde júrgizgen 8 júrgizýshi qolǵa tústi. Sonymen qatar jaıaý júrginshiler tarapynan da ereje buzýshylyqtyń 283 faktisi anyqtaldy.