Elordalyq oqýshylar bir jyl boıy teatrǵa tegin barady
Qala ákimdiginen málim etkendeı, «Oqýshylarmen baılanys» jobasy boıynsha keste jasaldy. Oǵan sáıkes ár oqýshy jas sanatyn eskere otyryp, spektaklge tegin bara alady. Teatrlarǵa barý aptasyna eki ret ótkiziledi jáne balalar demalatyn jazǵy aılardy esepke almaǵanda, jyldyń sońyna deıin jalǵasady.
Jas kórermender teatrda «Jas Abaı» dramasyn, «Maýglı» ertegisin tamashalaı alady.
Uly Abaıdyń 175 jyldyq mereıtoıyna oraı sahnalanatyn «Jas Abaı» dramasynda aqynnyń jalyndy jastyq shaǵy, týysqandyq qarym-qatynasy, mahabbat hıkaıasy beınelenedi. Spektaklde aqynnyń tanymal poezııasy men óleńderine jazylǵan belgili ánderi shyrqalady. Dramada alǵash ret aqynnyń qaryndasy Kámshattyń ólimi qozǵalady. Sonymen qosa jas Abaıdyń úlkenderdiń isine alǵash aralasa bastaǵan kezi de somdalady.
Al R.Kıplıngtiń ataqty «Djýnglı kitaby» dúnıe júzine belgili. Maýglı esimdi balaqaıdyń bastan keshken oqıǵalary, onyń jaqyndary men jalǵyz dushpany kórinis tabady.
Aıta keteıik, elorda oqýshylaryna arnalǵan qoıylymdar «Nomad city Hall» sahnasynda ótedi.