Elordalyq mekemede karantın talaptaryna qaramastan 500-ge jýyq adam boldy
Kóptegen eskertýlerge, jaýapqa tartylatynyna qaramastan, qala mekemelerinde karantın shekteýleri áli de buzylyp, kelýshiler men qyzmetkerlerdiń densaýlyǵyna qaýip tóndirýde, dep habarlaıdy Nur-Sultan ákimdiginiń resmı saıty.
11 qyrkúıekte monıtorıngtik toptar elordanyń 12 mekemesinde karantın talaptarynyń buzylǵanyn anyqtady.
Eń kóp buzýshylar Esil aýdanynda tirkeldi - 6 nysan. Tekseris kezinde «Zima» barlar galereıasynda 500-ge jýyq adam bolǵan. «Cabera» grıl-barynda, «Panaehalı» barynda, «Khan El-Khalili» kafesinde, «Mıata Platinum Nursaya» resto-barynda, «Tequila» barynda jumys rejımi saqtalmaǵan.
Almaty aýdanynda «Kısh Mısh» kafesi, «Tema» kompıýterlik klýby, «Panaehalı» atmosferalyq bary jáne «Chto Býdet Dalshe» karaoke-bary karantın buzýshylar tizimine endi.
Saryarqa aýdanynda ornalasqan «Amarın» jáne «Shashlykoff» meıramhanalarynda da karantın shekteýleri eskerilmedi.
Tártip buzýshylarǵa qatysty jınalǵan barlyq materıaldar ákimshilik sıpattaǵy sharalar qabyldaý úshin sanıtarlyq-epıdemıologııalyq baqylaý salasyndaǵy ýákiletti organǵa berildi.
Aıta ketý kerek, COVID-19 vırýsyn juqtyrǵandar sanynyń tómendeýine qaramastan, elorda epıdemıologııalyq jaǵdaıdy baǵalaý boıynsha áli de «qyzyl» aımaqta qalyp otyr. Sondyqtan qala turǵyndary men qonaqtary sanıtarlyq normalardy qatań saqtaýy kerek: maska rejımi, áleýmettik qashyqtyq, qol gıgıenasy.
Azamattar ózderiniń jáne aınalasyndaǵylardyń densaýlyǵyn saqtaý úshin koronavırýsqa qarsy vaktsınatsııadan ótýi kerek, óıtkeni vaktsınamen ımmýndaý qaýipti vırýspen kúresýdiń jalǵyz tıimdi ádisi bolyp tabylady.