Elordalyq máslıhat depýtattary Ádilbek Jaqsybekovtiń kandıdatýrasyn qoldady

ASTANA. QazAqparat - Búgin elordada besinshi shaqyrylymdaǵy Astana qalasy máslıhatynyń kezekten tys 51-shi sessııasy ótti. Kún tártibine elorda ákimin taǵaıyndaý máselesi shyǵaryldy, dep habarlaıdy ákimdiktiń resmı saıty.

Sessııa barysynda halyq qalaýlylary Memleket basshysynyń Astana qalasynyń ákimi qyzmetine Ádilbek Jaqsybekovti taǵaıyndaý týraly usynysyn biraýyzdan qoldady.

«Eń aldymen, kórsetilgen senim úshin alǵys aıtqym keledi. Sondaı-aq, Memleket basshysynyń saılaýdaǵy jeńisimen barlyqtaryńyzdy quttyqtaımyn. Alda úlken jumystar kútip tur. Ózderińiz biletindeı, Prezıdent bes ınstıtýtsıonaldy reformany jarııalady. Olardy júzege asyrý úshin barlyǵymyz birdeı jumylýymyz qajet. Elordanyń kórikti kelbetin odan ári qalyptastyryp, Elbasynyń baǵdarlamalaryn iske asyrýymyz kerek», - dedi ákim.

Ádilbek Jaqsybekov 1954 jyly 26 shildede Qostanaı oblysy Qarabalyq aýdanynyń Bórili aýylynda týǵan.

1977 jyly Búkilodaqtyq memlekettik kınematografııa ınstıtýtynyń (Máskeý qalasy) ekonomıka fakýltetin bitirgen, 1987 jyly Plehanov atyndaǵy Máskeý halyq sharýashylyǵy ınstıtýtynda «materıaldyq-tehnıkalyq jabdyqtaýdy uıymdastyrýshy» mamandyǵy boıynsha qaıta daıarlaýdan ótti. Ekonomıka ǵylymdarynyń kandıdaty.

Qazaq KSR Memkıno jáne Memjabdyqtaý júıesinde jumys istedi, birqatar kásiporyndardy basqarǵan.

1988-1995 jyldary «Tsesna» kópsalaly korporatsııasyn basqardy. 1995 jyly Qazaqstan Respýblıkasy Parlamentiniń Senatyna saılandy. 1996 jyly Aqmola oblysy ákiminiń birinshi orynbasary bolyp taǵaıyndalady. 1997-2003 jyldary - Astana qalasynyń ákimi. 2003-2004 jyldary Qazaqstan Respýblıkasynyń Indýstrııa jáne saýda mınıstri. 2004-2008 jyldary Qazaqstan Respýblıkasy Prezıdenti Ákimshiliginiń basshysy. 2008 jylǵy qańtar - qazan aralyǵynda «Nur Otan» halyqtyq-demokratııalyq partııasy tóraǵasynyń birinshi orynbasary - QR Prezıdentiniń keńesshisi. 2008-2009 jyldary Reseı Federatsııasyndaǵy Qazaqstan Respýblıkasynyń Tótenshe jáne Ókiletti Elshisi boldy. 2009-2014 jylar aralyǵynda Qazaqstan Respýblıkasynyń Qorǵanys mınıstri. 2014 jylǵy 3 sáýirde Memleket basshysynyń Jarlyǵymen Qazaqstan Respýblıkasynyń Memlekettik hatshysy bolyp taǵaıyndaldy. 2014 jyly 22 qazanda Astana qalasynyń ákimi bolyp taǵaıyndaldy.

2008 jyly Astana qalasyndaǵy «Dóńgelek alań» arhıtektýralyq kesheni úshin Qazaqstan Respýblıkasy Memlekettik syılyǵynyń laýreaty atandy.

«Qazaqstan Respýblıkasynyń Tuńǵysh Prezıdenti Nursultan Nazarbaev», II jáne III dárejeli «Barys», III dárejeli «knıaz ıAroslav Mýdryı» (Ýkraına) ordenderimen jáne medaldarmen nagradtalǵan. «Zajech zvezdý-stolıtsý», «Tak nachınalas Astana. Zapıskı pervogo akıma stolıtsy» kitaptarynyń avtory.