Elordalyq qutqarýshylar qaza bolǵan áriptesterin eske aldy
17 aqpanda «Qutqarýshylar» saıabaǵynda ornatylǵan memorıalǵa gúl shoqtary qoıylyp, qutqarýshylar qyzmettik boryshyn atqarý kezinde erlikpen qaza tapqan áriptesterin bir mınýt únsizdikpen eske aldy.
Osydan 13 jyl buryn, 2010 jyldyń aqpan aıynda elordada burynǵy bombapana ǵımaraty órtengen bolatyn. Úsh qyzmetker sol órtten oralmady. Aldymen, bir órt sóndirýshi joǵalyp, ony izdeýge ketken 2 qyzmetker de qaıtyp kelmedi.
Valerıı Mıhaılovıch Zaıtsev elordada qıyn jáne aýyr órtterge shyqqan. Sol kúni polkovnıktiń oqıǵa ornyn jiti qarap, mán-jaıdy anyqtaý jáne áriptesin qutqarý úshin órtke ózi shyqqan bolatyn.
Saıat Saparbekuly Abeevtyń erlikteri qatarynda iri órt oqıǵalary, birneshe qutqarylǵan ómir bar. Ol basqalardyń ómirin ózinikinen joǵary qoıatyn. Órtte onyń búkil oıy men is-qımyly adam ómirin qutqarý jáne órtti jeńýge baǵyttalatyn.
Rýslan Qojahmetuly Kákishev ómiriniń sońǵy mınýtyna deıin qyzmettik mindetterin oryndaýǵa adal boldy. Óziniń ómirin qaterge tigip, jeke quramdy qorǵady. Sońǵy ýaqytqa deıin jigerlik tanytyp, órtpen kúresti.
Qutqarýshylar áriptesi Asqar Zabıkýlındi eske aldy. 2022 jyldyń qarasha aıynda elordada kóp qabatty úıdiń birinde órt bolyp, adamdardy qutqarý kezinde óz ómirin qaterge tikken órt sóndirýshi erlikpen qaza tapty. Ol árqashan óziniń erjúrektiligimen, batyldyǵymen jáne óz isine degen súıispenshiligimen erekshelendi. Jumysqa zor qurmetpen jáne jaýapkershilikpen qarady, joǵary synyp mamany boldy.