Elordalyq kópsalaly aýrýhanada bir táýlikte 13 sábı dúnıege keldi

ASTANA.QazAqparat - Astana qalasy ákiminiń orynbasary Erlan Bekmurzaev pen qoǵamdyq densaýlyq saqtaý basqarmasynyń bastyǵy Tımýr Muratov jańa jyldyń birinshi kúni №3 kópsalaly qalalyq aýrýhanada bolyp, jas analar men qalanyń eń kóne medıtsınalyq mekemesiniń ujymyn merekemen quttyqtady. Bul týraly aýrýhana dırektory Juldyz Danbaeva óziniń Facebook paraqshasynda jarııalady, dep habarlaıdy QazAqparat.

«Ótken táýlikte aýrýhanamyzda 13 bala dúnıege keldi. Onyń ishinde Jańa jyl túni - 3 bala. Úsheýiniń de qyz bolýy erekshe jaǵdaı. Bizdiń ata-babalarymyz ejelden qyzdyń dúnıege kelýi – molshylyq pen bereke dep eseptegen», - dep jazdy ol.

Sábılerge jańa týǵan nárestelerge arnalǵan konvertter syıǵa tartyldy, olardyń analaryna gúl shoqtary men elorda ákiminiń atynan quttyqtaý haty tabystaldy.

«Aýrýhanada jyl saıyn 8 myńnan astam bosanatyn áıel medıtsınalyq kómek alady. Akýsherler kúnine 15-25 áıeldi bosandyrady. Máselen, 2022 jyly bizdiń perzenthanada 7222 sábı dúnıege kelgen», - dep qosty Juldyz Danbaeva.

Foto: №3 kópsalaly qalalyq aýrýhana