Elordalyq kásiporyn qyzmetkerleri bıýdjettiń 316 mln teńgesin jymqyrdy dep aıyptalýda
QR Qarjy mınıstrligi Qarjy monıtorıngi komıtetiniń Nur-Sultan qalasy boıynsha Ekonomıkalyq tergeý departamenti asa iri kólemde bıýdjet qarajatyn jymqyrý faktisi boıynsha elordadaǵy aktsıonerlik qoǵamdardyń biriniń qyzmetkerlerine qatysty qylmystyq isti tergeýde.
Tergeý barysynda anyqtalǵandaı, AQ men basqa kásiporyn arasynda elektr kabelderin synaýǵa arnalǵan eki elektrotehnıkalyq zerthanany jetkizýge memlekettik satyp alýlar týraly kelisimshart jasalǵan.
Alaıda, aýdıtorlyq tekseris barysynda atalǵan zerthanalar tehnıkalyq sıpattamalarǵa sáıkes kelmeıtini belgili boldy.
«Memleketke keltirilgen zalal somasy 316 mln teńgeden asady.
Qazirgi tańda QR QK-niń 189-baby 4-bóligi 2-tarmaǵyna (Asa iri kólemde senip tapsyrylǵan bóten múlikti ıemdenip alý nemese talan-tarajǵa salý, ıaǵnı jymqyrý) sáıkes tergeý amaldary júrgizilýde», - dedi QR QM Qarjy monıtorıngi komıtetiniń baspasóz qyzmetinen.