Elordalyq kásipker memlekettik satyp alý salasynda alaıaqtyq jasaǵan

NUR-SULTAN. QazAqparat - Nur-Sultan qalasy boıynsha Ekonomıkalyq tergeý departamenti «Satýrn» JK-niń basshysyna qatysty bıýdjet qarajatyn jymqyrý faktisi boıynsha qylmystyq isti tergedi, dep habarlady QR QM Qarjy monıtorıngi komıtetiniń baspasóz qyzmeti.

Osylaısha, D.Sh. Maldybaev 2017 jyldyń qazanynan jeltoqsanyna deıingi aralyqta «Satýrn» JK-niń atynan ótinimder berý arqyly Qazaqstan Respýblıkasynyń aýmaǵynda tapsyrys berýshileri otyzdan astam memlekettik mekeme men bıýdjettik uıym bolǵan elektrondyq memlekettik satyp alýǵa qatysty. Ótinimderde ol janar-jaǵarmaı materıaldaryn QR-nyń aýmaǵynda JJM satyp alý baǵasyna sáıkes kelmeıtin tómendetilgen baǵamen satýdy kórsetken.

Sonymen birge, Maldybaev D.Sh. konkýrstyq qujattamaǵa sáıkes elektrondy memlekettik satyp alýda jeńiske jetken jaǵdaıda tapsyrys berýshiler JK-men kelisimshart jasasqannan keıin birden 100% tólem júrgizetinin naqty bildi.

Aıyptalýshy osy jaǵdaıdy paıdalanyp, otyz bir memlekettik mekeme jáne bıýdjettik uıymǵa qatysty alaıaqtyq áreketter jasaǵan, nátıjesinde memleketke 60 mln. teńgeden astam zalal keltirdi.

Onyń halyqaralyq izdeýde bolǵandyǵyn jáne Qyrǵyz Respýblıkasynyń aýmaǵynda ustalǵandyǵyn atap ótken jón.

Nur-Sultan qalasynyń Saryarqa aýdandyq №2 sotynyń úkimimen ol QR QK-niń 190-b. 4-b. 2-t. boıynsha kináli dep tanylyp, 5 jylǵa bas bostandyǵynan aıyryldy.