Elordalyq kárister qarttarǵa qoldaý kórsetti

NÚR-SULTAN. QazAqparat - Jyl saıynǵy dástúr boıynsha búkil álemdegi kárister eń mańyzdy otbasylyq káris merekeleriniń biri – Chhýsokty atap ótetin. Chhýsok-káristerdiń astyq merekesi. Onda adamdar jaqyndarymen ýaqyt ótkizip, demalyp, dástúr boıynsha ata-babalaryna qurmet kórsetý úshin tátti dastarhan basyna jınalatyn, dep habarlaıdy QazAqparat.

Nur-Sultan qalasy ákimdiginiń janyndaǵy«Qoǵamdyq kelisim» KMM baspasóz qyzmetiniń habarlaýynsha, bıylǵy jyly Chhýsok Qazaqstandaǵy qarttar kúnimen sáıkes keledi. Ádette bul kúni Nur-Sultan qalasyndaǵy kárister etnomádenı birlestigi Qazaqstannyń etnıkalyq káristeriniń qart turǵyndary úshin merekelik kóńil-kúı syılaıtyn. Án aıtyp, bı bılep, túrli kontserttik baǵdarlamalar usynylatyn. Alaıda, koronavırýstyq ınfektsııanyń taralýyna baılanysty etnomádenı birlestik bul is-sharany qajetti deńgeıde ótkize almady.

Soǵan qaramastan, Nur-Sultan qalasynyń kárister etnomádenı birlestigi elordalyq qart káristerge azyq-túlik pen COVID-19-dan qorǵaný quraldaryn úlestirdi. Azyq-túlik sebetine 5 kg un, túrli jarma, qant jáne ósimdik maıy qosyldy. Qorǵanys quraldary da berildi: medıtsınalyq maskalar men qolǵaptar, túrli dárýmender. Jalpy jıyny 26 kg quraıdy.

Atalǵan is-shara aıasynda 80 jastan asqan 70-ke jýyq adam qamtyldy. Nur-Sultan qalasyndaǵy jalǵyzbasty qart kárister, múmkindigi shekteýli jandar jáne halyqtyń basqa da áleýmettik osal toptary osyndaı qoldaýǵa ıe boldy.

«Káris etnomádenı birlestiginiń eriktileri tatý jumys atqardy. Barlyq sanıtarlyq normalarǵa saı azyq-túlik pen qorǵanys quraldary bar sebetter tikeleı muqtaj jandardyń úılerine jetkizildi»-delingen habarlamada.