Elordalyq dárigerler týa bitken anomalııasy bar 6 jasar qyzǵa operatsııa jasady

ASTANA. QazAqparat - Qyz bala elordadaǵy neırohırýrgııa ortalyǵyna Almaty oblysynan jetkizildi. Ata-anasy qol-aıaqtarynyń álsizdigine, qozǵalystardyń shektelýine jáne moıynnyń májbúrli jaǵdaıyna shaǵymdandy, dep habarlaıdy QazAqparat Densaýlyq saqtaý mınıstrligine silteme jasap.

Anasynyń aıtýynsha, qyzy bes jasqa deıin tolyq júre almaı, balerına sııaqty aıaǵynyń ushymen júrgen. Alty jasynda ol kúrt óse bastaǵasyn aıaq ushymen júrýdi toqtatyp, tósek tartyp qaldy.

MRT zertteýi moıyn-jelke aımaǵy omyrtqalarynyń damýyndaǵy týa bitken anomalııany kórsetti. Neırohırýrgııa ortalyǵynyń dárigerleri keńes ótkizip, odan ári emdeý taktıkasy anyqtaldy.

Qyz balanyń birneshe omyrtqasynyń jetispeýine balanysty jaǵdaı kúrdelene tústi, ıaǵnı, bul bastyń alǵa qaraı jyljýyna ákeldi.

Balalar neırohırýrgııasy bólimshesiniń neırohırýrgi Saparbek Seıtbekovtyń aıtýynsha, operatsııa kezindegi basty mindet – julyndy sátti bosatý, fızıologııalyq lordoz jasaý jáne moıyn omyrtqasyn bekitý.

4 saǵat boıy UǴA akademıgi Talǵat Kerimbaevpen birge Ulttyq neırohırýrgııa ortalyǵynyń hırýrgııalyq brıgadasy, 30 jyldan astam jumys ótili bar, dáriger-neırohırýrg, PhD Vıktor Aleınıkov jáne balalar neırohırýrgııasy bólimshesiniń dáriger-neırohırýrgy Saparbek Seıtbekov omyrtqalardy rekonstrýktsııalaý boıynsha asa kúrdeli operatsııa jasady.

«Operatsııa kezinde omyrtqalarǵa qol jetkizýde tehnıkalyq qıyndyqtar týyndady, bul tolyq paralıchke nemese ólimge ákelýi múmkin mı baǵanasy men julynnyń, qan tamyrlarynyń zaqymdalý qaýpimen qatar júrdi. Mundaı kúrdeli operatsııalar sırek jáne neırohırýrgııanyń jetekshi mamandandyrylǵan ortalyqtarynyń deńgeıinde ǵana jasalady», - dep atap ótti UNO perıferııalyq júıke júıesiniń omyrtqa neırohırýrgııasy, patologııasy bóliminiń meńgerýshisi Talǵat Kerimbaev.

«Baqytymyzǵa qaraı, operatsııa sátti ótti, qazir spastıkanyń regressııasy, tómengi aıaqtyń bulshyq etteriniń kúsheıýi túrindegi dınamıka baıqalady», - deıdi emdeýshi dáriger.

Bul qymbat operatsııa kishkentaı patsıentke MÁMS esebinen tegin júrgizildi.