Elordalyq volonterler jalǵyzbasty jandar men qarttarǵa kómektesýde

<p>Elordalyq volonterler turǵyndarǵa úıdiń mańyndaǵy qardy kúreýge kómektesýde, dep habarlaıdy <a href="https://kaz.inform.kz/news/astanada-koshen-kardan-tazartuga-1400-den-astam-tehnika-zhumildirildi-b3df98/" target="_blank" rel="noopener">Kazinform</a> elorda ákimdiginiń resmı saıtyna silteme jasap.</p>

Aýa raıynyń buzylýyna baılanysty qaıyrymdylyq kómek kórsetilip jatyr.Tolassyz jaýǵan qar jeke turǵyn sektory turǵyndaryna, ásirese qarttarǵa qolaısyzdyq týǵyzýda. Soǵan baılanysty «Astana Jastary» jáne «Jastar rýhy» volonterleri elordanyń eki aýdanyndaǵy 5 turǵyn úıdiń aýlasyn qardan tazartýǵa kómektesti.

«Mundaı kómek bolǵany qandaı tamasha. Jeke úıde turǵandyqtan qysta qar kúreý qıyndyq týǵyzady. Maǵan búgin kómir ákelýi tıis edi, al qaqpany qar basyp qalǵan. Sondyqtan bul der kezinde kórsetilgen kómek boldy. Qardy ózimiz kúresek árıne, qıyn bolar edi», - dedi Astana turǵyny Galına Verbovskaıa.

Atap óterligi, elordalyq volonterler qysta qar kúreýmen qatar, áleýmettik turǵydan az qamtylǵan otbasylaryna azyq-túlik sebetterin jetkizýge, qarttarǵa aǵash jarýǵa jáne kommýnaldyq qyzmet mamandaryna ystyq shaı taratýǵa kómektesedi.