Elordalyq sportshy XX qysqy Sýrdlımpıada oıyndarynyń ashylýynda kók týymyzdy ustap shyǵady

<p>ASTANA. KAZINFORM &ndash; Almaty qalasynda estý qabileti zaqymdanǵan sportshylar arasynda ótetin XX qysqy Sýrdlımpıada oıyndaryna ulttyq quramany resmı shyǵaryp salý rásimi ótti.&nbsp;</p>

Elorda ákimdigi resmı saıtynyń habarlaýynsha, HH qysqy Sýrdlımpıada oıyndary Túrkııanyń Erzýrým qalasynda 2-12 naýryz kúnderi ótedi. 

Dúbirli dodaǵa 36 memleketten 1 000-ǵa jýyq sportshy qatysady. Jarysta taý shańǵysy, snoýbord, shańǵy jarysy, shahmat, fýtzal jáne kerlıng sport túrlerinen 34 komplekt medal oınatylady.

Qazaqstan tarapynan osy qysqy oıyndarǵa shahmat, snoýbord jáne shańǵy jarysynan 26 sportshy qatysady. Baıraqty básekede el namysyn shahmat jarysy boıynsha qos astanalyq sýrdo sportshy Álııa Muratova men Sultan Qojahmetov qorǵaıdy. 

Іs-shara barysynda qysqy Sýrdlımpıada oıyndarynyń ashylý saltanatyna elimizdiń týyn ustap shyǵý mártebesi shahmattan álem chempıonatynyń qola júldegeri elordalyq Sultan Qojahmetovke tapsyryldy. Sportshyǵa týdy Sıdneıde ótken jazǵy Olımpıada oıyndarynyń jeńimpazy Ermahan Ybraıymov tabys etti.

«Shahmatpen aınalysqanyma 10 jyldan astam ýaqyt boldy. Bıyl alǵash ret qysqy Sýrdlımpıada oıyndaryna qatysqaly turmyn. Bul jarysta elimizdiń týyn ustap shyǵý - men úshin úlken abyroı. El úmitin aqtap, úzdikter qatarynda bolýǵa barlyq kúsh-jigerimdi salamyn!» - dedi Sultan Qojahmetov.