Elordalyq para sportshy Aısulý Súleımenova halyqaralyq týrnırdiń kúmis júldegeri atandy

<p>ASTANA. KAZINFORM &ndash; &nbsp; Astana qalasynyń para sportshysy Aısulý Súleımenova Dýbaı qalasynda ótken jeńil atletıkadan &laquo;Dubai 2024 World Para Athletics Grand Prix 15th Fazza International Athletics Championships&raquo; týrnırinde T62 klasy boıynsha sátti óner kórsetip, jeńis tuǵyrynan kórindi. Bul týraly elorda ákimdiginiń resmı saıty habarlady.</p>

Osylaısha, jerlesimiz baıraqty básekede máre syzyǵyn ekinshi bolyp kesip, halyqaralyq jarystyń kúmis júldegeri atandy.

Aıta ketsek, atalǵan doda — sportshynyń alǵashqy halyqaralyq jarysy.

«Jalpy jarys qıyn boldy. Biraq soǵan qaramastan bar kúshimdi salyp, jeńiske jetýge tyrystym. Bul meniń alǵashqy jarysym bolǵandyqtan, óte qýanyshtymyn. Aıtýly jeńis meniń ǵana emes, barsha komandanyń jeńisi dep sanaımyn. Ásirese, jeke bapkerim Aıgúl Arjanıkovaǵa sheksiz alǵysymdy bildiremin. Onymen birge kóp eńbektendik. Qoldaý bildirgen barlyq jandarǵa, qalalyq sport basqarmasyna jáne elorda sport mektebiniń ákimshiligine raqmetimdi aıtamyn», — dedi para sportshy.

Búgin elordalyqtar Dýbaı qalasynan júldeli ekinshi oryn ıelengen Aısulýdy halyqaralyq áýejaıdan qarsy aldy.

Foto: Astana qalasy ákimdiginiń baspasóz qyzmeti

 

Jankúıerleri men jaqyn dostary astanalyq para sportshyny qushaq jaıa qarsy alyp, erekshe qurmet kórsetti.