Elordalyq oqýshylar ekologııalyq aktsııaǵa qatysty

<p>ASTANA. KAZINFORM &ndash; Oqý-aǵartý mınıstrligi Ekologııa jáne tabıǵı resýrstar mınıstrligimen birlesip &laquo;Taza Qazaqstan&raquo; bastamasy men &laquo;Birtutas tárbıe&raquo; baǵdarlamasy aıasynda balalar men jasóspirimder arasynda ekologııalyq bilimdi ilgeriletýge jáne ekologııalyq mádenıetti qalyptastyrýǵa baǵyttalǵan aktsııa jarııalady.</p>

Ekologııalyq marafondy ótkizý kezinde elordalyq 108 mektep pen balabaqsha aýmaǵynda sibir almasy, vırgın jıdegi jáne dóńgelek japyraqty ırgı aǵashtarynyń 2,5 myńnan astam kósheti otyrǵyzyldy. Ekologııalyq aktsııaǵa №103 orta mekteptiń balalarymen birge eki vedomstvonyń basshylary qatysty.

«Balalardyń boıynda ekologııalyq mádenıet qalyptastyrý jáne qorshaǵan ortaǵa uqypty qaraý qundylyqtaryn biz erte jastan bastap sińirýimiz kerek. Bul bizdiń tabıǵat aldyndaǵy boryshymyz ǵana emes, sonymen qatar «Adal adam — Adal eńbek — Adal tabys» tujyrymdamasyna sáıkes jańa jas urpaqty tárbıeleýge qosqan eleýli úlesimiz», - dedi Ǵanı Beısembaev.

Sondaı-aq balalarǵa fandomatpen jumys kórsetilip, qaldyqtardy suryptaý boıynsha ekologııalyq sabaq ótkizildi. Bos taralardy fandomattarǵa tapsyrý arqyly oqýshylar upaı jınaı alady.

Ekologııa jáne tabıǵı resýrstar mınıstri Erlan Nysanbaev atap ótkendeı, bolashaqta osyndaı apparattardy basqa da bilim berý uıymdarynda ornatý josparlanýda. Búgingi tańda elimizdiń barlyq óńirinde 80 myńǵa jýyq oqýshy qatysatyn «Jasyl klýbtar» ashyldy.